<
ஆனைமலை அருகே நடிகர் சிவகார்த்திகேயனை பார்க்க குவிந்த ரசிகர்கள்
பொள்ளாச்சி அருகே படப்பிடிப்பில் நடிகர் சிவகார்த்திகேயனை பார்க்க சமூக இடைவெளியை கடைப்பிடிக்காமல் ரசிகர்கள் குவிந்தனர். இதனால் படப்பிடிப்பு நிறுத்தப்பட்டது.
பொள்ளாச்சி
பொள்ளாச்சி அருகே படப்பிடிப்பில் நடிகர் சிவகார்த்திகேயனை பார்க்க சமூக இடைவெளியை கடைப்பிடிக்காமல் ரசிகர்கள் குவிந்தனர். இதனால் படப்பிடிப்பு நிறுத்தப்பட்டது.
சினிமா படப்பிடிப்பு
கோவை மாவட்டத்தில் குறைந்து வந்த கொரோனா பரவல் கடந்த சில நாட்களாக அதிகரித்த வண்ணம் உள்ளது. இதனால் தமிழக அரசின் உத்தரவின்படி, பொதுஇடங்களில் பொதுமக்கள் கூடுவதை தவிர்க்கும் வகையில், அனைத்து வழிபாட்டு தலங்களையும் மூட மாவட்ட நிர்வாகம் உத்தரவிட்டுள்ளது.
மேலும் கொரோனா வழிகாட்டு நெறிமுறைகளை பின்பற்றாதவர்களை கண்காணித்து நடவடிக்கை எடுக்கப்பட்டு வருகிறது.
இந்த நிலையில் பொள்ளாச்சி அருகே உள்ள ஆனைமலை பாலம் ஆற்றங்கரை பகுதியில் நேற்று மாலை நடிகர் சிவகார்த்திகேயன் நடிக்கும் டான் சினிமா படப்பிடிப்பு நடைபெற்றது.
படபிடிப்பு மேம்பாலம் பகுதியில் நடைபெற்றதால் அங்கு நடிகர் சிவகார்த்திகேயனை காண்பதற்காக சிறுவர்கள் முதல் பெரியவர்கள் வரை நூற்றுக்கணக்கான ரசிகர்கள் அங்கு திரண்டனர்.
தடுத்து நிறுத்தியாதால் பரபரப்பு
பொதுமக்கள் சமூக இடைவெளியை பின்பற்றாமலும், முககவசம் அணியாமல் கும்பலாக படப்பிடிப்பை காண நின்று கொண்டிருந்தனர். இதனால் தொற்று பரவும் அபாயம் ஏற்பட்டது. மேலும், படப்பிடிப்பு நடத்துபவர்கள் அவர்களின் வாகனங்களை மெயின் ரோடு பகுதியில் நிறுத்தியதால் போக்குவரத்து பாதிக்கப்பட்டது.
இந்த தகவலை அறிந்த ஆனைமலை தாசில்தார் விஜயகுமார், வால்பாறை போலீஸ் துணை சூப்பிரண்டு சீனிவாசன் மற்றும் அதிகாரிகள் சம்பவ இடத்திற்கு விரைந்து சென்றனர். அப்போது அங்கு பொதுமக்கள் சமூக இடைவெளியின்றி குவிந்து நின்றதால், படப்பிடிப்பை நிறுத்தி விசாரணை நடத்தினர்.
இதையடுத்து போலீசார் பொதுமக்களை எச்சரித்து அங்கிருந்து கலைந்து போக செய்தனர். இதனால் அங்கு சிறிது நேரம் பரபரப்பு ஏற்பட்டது. இதனைத்தொடர்ந்து ஆனைமலை போலீசார், சினிமா படப்பிடிப்பு நடத்த உரிய அனுமதி பெறப்பட்டதா? என்று விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
