முதியவரை கத்தியால் குத்தியவர் கைது

வெள்ளியணை அருகே உள்ள ஜெகதாபி தெற்கு தெருவை சேர்ந்தவர் பழனியப்பன் (வயது 67). இவரது வீட்டின் அருகே வசிப்பவர் சந்திரசேகர் (64). இவர்களுக்கு இடையே கடந்த சில ஆண்டுகளாகவே முன்விரோதம் இருந்து வந்துள்ளது. இந்தநிலையில் நேற்று மாலை கடைவீதியில் இருந்த சந்திரசேகரை குடிபோதையில் இருந்த பழனியப்பன் தகாத வார்த்தைகளால் திட்டி கத்தியால் குத்தியுள்ளார். இதில் காயமடைந்த சந்திரசேகர் கரூரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுகுறித்து வெள்ளியணை போலீசார் வழக்குப்பதிந்து, பழனியப்பனை கைது செய்து விசாரணை நடத்தி வருகின்றனர்.