<
காட்டெருமை கழுத்தில் சிக்கிய பிளாஸ்டிக் கயிறு அகற்றம்
காட்டெருமை கழுத்தில் சிக்கிய பிளாஸ்டிக் கயிறு அகற்றம்
கோத்தகிரி
கோத்தகிரி அருகே அனையட்டி கிராமத்தில் தனியாருக்கு சொந்தமான தேயிலை தோட்டத்தில் கழுத்தில் பிளாஸ்டிக் கயிறு இறுக்கிய நிலையில், தீவனம் எடுத்துக்கொள்ள முடியாமல் காட்டெருமை ஒன்று அவதிப்பட்டு சுற்றித்திரிவதாக வனத்துறையினருக்கு தகவல் கிடைத்தது.
அதன்பேரில் நேற்று காலை 6 மணிக்கு நீலகிரி மாவட்ட வன அலுவலர் குருசாமி தபேலா, டாக்டர்கள் மனோகரன், ராஜேஷ் மற்றும் வனத்துறையினர் நேரில் சென்று பார்வையிட்டனர். பின்னர் துப்பாக்கி மூலம் காட்டெருமைக்கு மயக்க ஊசி செலுத்தப்பட்டது.
ஆனால் மயக்கமடையாமல் தேயிலை தோட்டத்தையே சுற்றித்திரிந்தது. இதனால் மொத்தம் 6 முறை மயக்க ஊசி செலுத்தப்பட்டது. அதன்பின்னர் காட்டெருமை மயங்கி விழுந்தது. தொடர்ந்து அதன் கழுத்தில் இருந்த பிளாஸ்டிக் கயிறை வனத்துறையினர் வெட்டி அகற்றினர். மேலும் கழுத்தில் ஏற்பட்டு இருந்த காயத்துக்கு சிகிச்சை அளிக்கப்பட்டது. மாலை 4 மணியளவில் மயக்கம் தெளிந்த காட்டெருமை, வனப்பகுதிக்கு சென்றது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
