<
வாணியம்பாடி அருகே வீடுபுகுந்து சிறுமிக்கு தாலி கட்டிய வாலிபர் கைது
வாணியம்பாடி அருகே வீடுபுகுந்து 14 வயது சிறுமிக்கு தாலி கட்டிய வாலிபரை போலீசார் கைது செய்தனர்.
வாணியம்பாடி,
திருப்பத்தூர் மாவட்டம் வாணியம்பாடியை அடுத்த நெக்குந்தி, காமராஜ் நகர் பகுதியை சேர்ந்தவர் விக்னேஷ் (வயது 26). இவர் பெங்களூருவில் கட்டிட தொழிலாளியாக வேலைபார்த்து வருகிறார். இவர் தந்தையை இழந்து, தாயுடன் வசித்து வரும் உறவினரின் மகளான 14 வயது சிறுமியுடன் கடந்த 2 ஆண்டுகளாக பேசி வந்துள்ளார்.
மேலும் சிறுமியின் தாயிடம், சிறுமியை தனக்கு திருமணம் செய்து தருமாறு கேட்டுள்ளார். அதற்கு 14 வயதில் திருமணம் செய்ய முடியாது, 18 வயது பூர்த்தியான பின்னர் பார்க்கலாம் என்று கூறியுள்ளார்.
சிறுமிக்கு தாலி கட்டினார்
இந்தநிலையில் விடுமுறையில் ஊருக்கு வந்த விக்னேஷ் அந்த சிறுமியின் வீட்டில் யாரும் இல்லாத நேரத்தில் தாலியுடன் வீட்டிற்குள் புகுந்து, தனியாக இருந்த 14 வயது சிறுமியை கட்டாயப்படுத்தி தாலி கட்டியுள்ளார்.
இதனால் அதிர்ச்சியடைந்த சிறுமி கூச்சலிட்டுள்ளார். சிறுமியின் சத்தம் கேட்டு வந்த சிறுமியின் தாய், இதுகுறித்து வாணியம்பாடி அனைத்து மகளிர் போலீஸ் நிலையத்திற்கு அழைத்து சென்று புகார் அளித்துள்ளார்.
புகாரின் பேரில் போலீசார் விசாரணை மேற்கொண்டு சிறுமிக்கு கட்டாய தாலி கட்டியது உள்ளிட்ட 3 பிரிவுகளில் வழக்குப் பதிவு செய்து விக்னேஷை கைது செய்து சிறையில் அடைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
