<
தண்ணீர் லாரி மோதி மின்வாரிய ஊழியர் பலி
தண்ணீர் லாரி மோதி மின்வாரிய ஊழியர் பலி
பரமக்குடி
பரமக்குடி அருகே உள்ள மல்லல் கிராமத்தைச் சேர்ந்தவர் அய்யாச்சாமி(வயது 45). இவர் பார்த்திபனூர் மின்வாரிய அலுவலகத்தில் போர்மேனாக பணியாற்றி வந்தார். இந்தநிலையில் அவர் பணியை முடித்துவிட்டு மோட்டார் சைக்கிளில் வீட்டிற்கு திரும்பி வந்துள்ளார்.
அப்போது கீழப்பெருங்கரை நான்கு வழிச்சாலையில் வரும்ேபாது அந்த வழியாக வந்த தண்ணீர் லாரி இவர் மீது மோதியது. இதில் அய்யாச்சாமி படுகாயம் அடைந்து சம்பவ இடத்திலேயே ரத்த வெள்ளத்தில் பலியானார்.
இதுபற்றிய தகவல் அறிந்ததும் பார்த்திபனூர் போலீசார் சம்பவ இடத்திற்கு விரைந்து சென்று இறந்த அய்யாச்சாமியின் உடலை கைப்பற்றி பிரேத பரிசோதனைக்காக பரமக்குடி அரசு மருத்துவமனைக்கு அனுப்பி வைத்தனர். இறந்த அய்யாச்சாமிக்கு வீரலட்சுமி என்ற மனைவியும், ஒரு மகனும், ஒரு மகளும் உள்ளனர்.
இதுகுறித்து பார்த்திபனூர் போலீசார் வழக்குப்பதிவு செய்து லாரி டிரைவர் அருப்புக்கோட்டையை சேர்ந்த முத்துராமலிங்கம்(50) என்பவரை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
