பத்தலப்பள்ளியில் முத்துலட்சுமி அம்மன் கோவிலில் தீமிதி விழா

ஓசூர்:

ஓசூர் அருகே பத்தலப்பள்ளியில் கருப்பசாமி, முத்துலட்சுமி அம்மன் கோவிலில் ஆடி அமாவாசையையொட்டி தீமிதி விழா நடந்தது. முன்னதாக பக்தர்கள் அக்கினி சட்டி, கரகம், பால்குடம் எடுத்து சாமியை வழிபட்டனர். மேலும் பக்தர்கள் பல்வேறு வேடமணிந்து தீ மிதித்து நேர்த்திக்கடனை செலுத்தினர். இதில் ஓசூர் மற்றும் சுற்று வட்டார பகுதிகளை சேர்ந்த பக்தர்கள் கலந்து கொண்டனர். விழாவையொட்டி அன்னதானம் வழங்கப்பட்டது. விழாவுக்கான ஏற்பாடுகளை ஊர்பொதுக்கள் மற்றும் விழாக்குழுவினர் செய்திருந்தனர்.