மது விற்ற பெண் கைது

விக்கிரமங்கலம்:

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் விக்கிரமங்கலம் மெயின்ரோடு பகுதியில் ரோந்து பணியில் ஈடுபட்டனர். அப்போது மது விற்பதாக கிடைத்த ரகசிய தகவலின்படி விக்கிரமங்கலம் மெயின்ரோட்டை சேர்ந்த முத்துலட்சுமி(வயது 48) என்பவரது வீட்டில் சோதனை செய்தனர். அப்போது அவரது வீட்டின் பின்புறம் விற்பனை செய்வதற்காக மறைத்து வைத்திருந்த மது பாட்டில்களை பறிமுதல் செய்தனர். மேலும் மது விற்றது குறித்து வழக்குப்பதிவு செய்து முத்துலட்சுமியை கைது செய்து விசாரித்து வருகிறார்கள்.