பெண் தற்கொலை

பணகுடி:

பணகுடி கோரி காலனியை சேர்ந்தவர் சுதாகர் (வயது 42). இவர் வெளிநாட்டில் வேலைபார்த்து வந்தார். கடந்த சில மாதங்களுக்கு முன் பணகுடி வந்துவிட்டார். இவருடைய மனைவி அம்மு (36). இவர்களுக்கு 2 மகள்கள் உள்ளனர். இவர்களுக்கு புதிதாக வீடு கட்டியதில் கடன் ஏற்பட்டதாக கூறப்படுகிறது. இதனால் வாழ்க்கையில் வெறுப்படைந்த அம்மு கடந்த 2 நாட்களுக்கு முன் அளவுக்கு அதிகமாக தூக்க மாத்திரைகள் தின்று வீட்டில் மயங்கி கிடந்தார். அவரை மீட்டு ஆம்புலன்ஸ் மூலம் ஆசாரிபள்ளம் அரசு மருத்துவக்கல்லூரி மருத்துவமனைக்கு கொண்டு சென்றனர். அங்கு சிகிச்சை பலனின்றி அம்மு பரிதாபமாக இறந்துவிட்டார்.

இதுகுறித்து பணகுடி போலீசார் வழக்குப்பதிவு செய்து விசாரணை நடத்தி வருகிறார்கள்.