பெண்ணிடம் நகை பறிப்பு

ஆலங்குளம்:

தென்காசி மாவட்டம் ஆலங்குளம் அருகே உள்ள காசிநாதபுரம் அருந்ததியர் தெருவை சேர்ந்தவர் பால்துரை. இவரது மனைவி சந்தனமாரி (வயது 27). இவர்கள் வழக்கம் போல் நேற்று முன்தினம் இரவு வீட்டில் தூங்கிக்கொண்டிருந்தனர். அதிகாலை 3 மணியளவில் மர்ம நபர் ஒருவர் கதவை திறந்து வீட்டுக்கு புகுந்து சந்தனமாரியின் அருகில் வந்தார். இதனால் சந்தனமாரி திடுக்கிட்டு எழுந்தார். 

திடீரென அவர் சந்தனமாரியின் கழுத்தில் அணிந்திருந்த 10 கிராம் தங்க சங்கிலியை பறித்துக்கொண்டு அங்கிருந்து தப்பி ஓடிவிட்டதாக கூறப்படுகிறது.

இதுகுறித்து தகவல் அறிந்த ஆலங்குளம் போலீசார் சம்பவ இடத்துக்கு சென்று விசாரணை நடத்தினர். தூங்கிய பெண்ணிடம் நகை பறித்து சென்ற மர்ம நபரை போலீசார் வலைவீசி தேடி வருகிறார்கள்.