கீழப்பழுவூரில் மர்மமான முறையில் இறந்து கிடந்த மூதாட்டி

அரியலூர் மாவட்டம், திருமானூர் ஒன்றியத்துக்கு உட்பட்ட கீழப்பழுவூரை சேர்ந்தவர் காசியம்மாள் (வயது 75). குடும்ப பிரச்சினை காரணமாக கணவரை பிரிந்து கீழப்பழுவூரில் உள்ள அவரது தங்கை வீட்டில் வசித்து வந்தார். கடந்த 2 நாட்களுக்கு முன்பு மலத்தான்குளம் கிராமத்தில் உள்ள உறவினர் இல்ல துக்க நிகழ்ச்சியில் கலந்து கொள்வதற்காக சென்ற அவர் மீண்டும் வீடு திரும்பவில்லை. குடும்பத்தினர் அவரை தேடி வந்தநிலையில் நேற்று மதியம் கீழப்பழுவூர் துணை மின் நிலையத்தின் அருகே உள்ள புதிய பாலத்தின் அருகே காசியம்மாள் மர்மமான முறையில் இறந்து கிடந்தார். இதுகுறித்து தகவல் அறிந்த கீழப்பழுவூர் போலீசார் சம்பவ இடத்திற்கு சென்று மூதாட்டியின் உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர். மேலும், இதுகுறித்து வழக்குப்பதிவு செய்து மூதாட்டியின் இறப்புக்கான காரணம் குறித்து விசாரணை நடத்தி வருகின்றனர்.