<
வீடுபுகுந்து பெண்ணிடம் நகை பறிப்பு
பரமக்குடி அருகே வீடுபுகுந்து பெண்ணிடம் நகை பறித்த மர்ம நபரை போலீசார் தேடி வருகின்றனர்.
பரமக்குடி,
பரமக்குடி அருகே வீடுபுகுந்து பெண்ணிடம் நகை பறித்த மர்ம நபரை போலீசார் தேடி வருகின்றனர்.
மர்ம நபர்
பரமக்குடி அருகே உள்ள சத்திரக்குடி தீயனூர் காலனியை சேர்ந்தவர் சத்தியேந்திரன். இவர் காரைக்குடியில் உள்ள தபால் அலுவலகத்தில் வேலை பார்த்து வருகிறார். இவர் வழக்கம்போல் வேலைக்கு சென்று விட்டதால் வீட்டில் அவரது மனைவி சுபரோஸ் (வயது26) மட்டும் இருந்துள்ளார். அப்போது அடையாளம் தெரியாத நபர் ஒருவர் திடீரென வீட்டின் பின்புறம் கதவை திறந்து வீட்டிற்குள் புகுந்துள்ளார். அந்த சத்தம் கேட்டு சுபரோஸ் எழுந்து சென்று பார்த்துள்ளார்.
உடனே அந்த நபர் திடீரென சுபரோஸ் கழுத்தில் அணிந்திருந்த 5 பவுன் தங்க தாலி செயினை பறித்துள்ளார். உடனே சுபரோஸ் அந்த நபருடன் போராடி செயினை பிடித்ததால் பாதி அவரிடமும், பாதி மர்ம நபரின் கையிலும் சிக்கியது.
வழக்குப்பதிவு
அப்போது சுபரோஸ் கூச்சலிட்டுள்ளார். சத்தம் கேட்டு அவரது மாமனார் மற்றும் அக்கம் பக்கத்தில் இருந்தவர்கள் ஓடிவந்தனர். அதற்குள் அந்த மர்ம நபர் தப்பி ஓடிவிட்டார். இதுகுறித்து சுபரோஸ் கொடுத்த புகாரின் பேரில் சத்திரக்குடி போலீசார் வழக்குப்பதிவு செய்து மர்ம நபரை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
