மின்சாரம் தாக்கி பெயிண்டர் பலி

காரிமங்கலம்:

காரிமங்கலம் அம்பேத்கர் நகர் பகுதியை சேர்ந்தவர் சுப்பிரமணி (வயது 45). பெயிண்டர். இவர் நேற்று தனது வீட்டின் அருகே புதிதாக கட்டப்பட்டு வரும் கட்டிடத்தில் வேலை பார்த்து வந்தார். அப்போது எதிர்பாராதவிதமாக மின்சாரம் தாக்கியதில் தூக்கி வீசப்பட்டு மயங்கினார். இதனை கண்ட உறவினர்கள் அவரை மீட்டு அருகில் உள்ள மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த மருத்துவர்கள் ஏற்கனவே இறந்து விட்டதாக தெரிவித்தனர். தகவல் அறிந்த காரிமங்கலம் போலீசார் சம்பவ இடத்திற்கு சென்று சுப்பிரமணியின் உடலை மீட்டு தர்மபுரி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வழக்குப்பதிவு செய்து போலீசார் விசாரணை மேற்கொண்டு வருகின்றனர். இவருக்கு பிரேமா என்ற மனைவியும், ஒரு மகளும் உள்ளனர்.

========