267 மதுபாட்டில்கள் பறிமுதல்

விருதுநகர், 

விருதுநகர் - சிவகாசி ரோட்டில் ஆமத்தூர் போலீசார் ரோந்து சென்றனர். அப்போது அங்குள்ள ஒரு உணவு விடுதிக்கு பின்புறம் பாவாலி கிராமத்தை சேர்ந்த பரமசிவம் (வயது 24), சிவகாசி பராசக்தி காலனியை சேர்ந்த கணேஷ் பாண்டியன் (33) ஆகிய இருவரும் சந்தேகத்துக்கிடமான முறையில் நின்று கொண்டிருந்தனர். அவர்கள் இருவரிடமும் போலீசார் சோதனை நடத்தினர். அப்போது அவர்களிடம் 267 மது பாட்டில்களும், ரூ.16 ஆயிரத்து 540-ம் இருந்தது. மது பாட்டில்களையும் பணத்தையும் பறிமுதல் செய்த போலீசார் அவர்கள் இருவரையும் கைது செய்து வழக்குப்பதிவு செய்தனர்.