<
குடிநீர் வழங்கக்கோரி பெண்கள் மனித சங்கிலி
திருவண்ணாமலையில் குடிநீர் வழங்கக்கோரி பெண்கள் சாலையின் குறுக்கே மனித சங்கிலி போராட்டத்தில் ஈடுபட்டதால் பரபரப்பு ஏற்பட்டது.
திருவண்ணாமலை
திருவண்ணாமலையில் குடிநீர் வழங்கக்கோரி பெண்கள் சாலையின் குறுக்கே மனித சங்கிலி போராட்டத்தில் ஈடுபட்டதால் பரபரப்பு ஏற்பட்டது.
மனிதசங்கலி போராட்டம்
திருவண்ணாமலை நகராட்சிக்கு உட்பட்ட அண்ணா நகர் 9-வது தெருவில் கடந்த 15 நாட்களாக சரிவர குடிநீர் வினியோகம் செய்யப்படவில்லை எனக் கூறப்படுகிறது.
இதனால் பாதிக்கப்பட்ட அப்பகுதி பெண்கள் குடிநீர் வழங்கக் கோரி இன்று காலை திடீரென திரண்டு வந்து தண்டராம்பட்டு சாலையை மறித்து மனித சங்கிலி போராட்டத்தில் ஈடுபட்டனர்.
இதனால் வாகனங்கள் செல்ல முடியாத நிலை ஏற்பட்டு போக்குவரத்துப் பாதிப்பு ஏற்பட்டது.
பேச்சுவார்த்தை
இதுகுறித்து தகவல் அறிந்த நகராட்சி ஊழியர்கள் சம்பவ இடத்துக்கு விரைந்து வந்து சமரச பேச்சுவார்த்தை நடத்தினர். இப்பகுதியில் உடனடியாக தண்ணீர் வினியோகம் செய்ய உரிய நடவடிக்கை எடுக்கப்படும் என அவர்கள் தெரிவித்தனர்.
இருப்பினும் உயர் அதிகாரிகள் சம்பவ இடத்துக்கு வந்து உறுதியளித்தால் தான் போராட்டத்தை கைவிடுவோம் என அவர்கள் கூறினர்.
அதைத்தொடர்ந்து நகராட்சி ஊழியர்களின் வேண்டுகோளை ஏற்று அனைவரும் போராட்டத்தை கைவிட்டு கலைந்து சென்றனர்.
இதனால் அப்பகுதியில் சிறிது நேரம் பரபரப்பு ஏற்பட்டது.
-------------
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
