கொரோனாவுக்கு 3 முதியவர்கள் பலி

திருச்சி மாவட்டத்தில் நேற்று புதிதாக 55 பேருக்கு கொரோனா தொற்று உறுதி செய்யப்பட்டது. இதன்மூலம் கொரோனாவால் பாதிக்கப்பட்டவர்களின் எண்ணிக்கை 73,722 ஆக உயர்ந்துள்ளது. நேற்று 62 பேர் பூரண குணமடைந்து வீடு திரும்பினர். அந்தவகையில் இதுவரை 72,045 பேர் குணமடைந்துள்ளனர். தற்போது 683 பேர் மருத்துவமனையில் சிகிச்சை பெற்று வருகின்றனர். இந்தநிலையில் கொரோனாவுக்கு சிகிச்சை பெற்றுவந்த 75 வயது, 88 வயது மூதாட்டிகள் மற்றும் 70 வயது முதியவர் ஆகிய 3 பேர் நேற்று சிகிச்சை பலனின்றி உயிரிழந்தனர். இதன்மூலம் மாவட்டத்தில் கொரோனாவால் உயிரிழந்தவர்களின் எண்ணிக்கை 994 ஆக உயர்ந்துள்ளது.