மரக்கடையில் திடீர் தீ

விருதுநகர், 

விருதுநகர் மின்வாரிய அலுவலகம் அருகே ராஜேந்திரன் என்பவருக்கு சொந்தமான மரக்கடை உள்ளது. மூங்கில் கம்புகள் கடைக்கு வெளியே அடுக்கி வைக்கப்பட்டு இருந்தன. இந்தநிலையில் நேற்று மாலை இந்த மூங்கில் கம்புகள் தீப்பிடித்து எரிந்தன. இதுகுறித்து தகவல் அறிந்த தீயணைப்பு படையினர் நிலைய அதிகாரி மணிகண்டன் தலைமையில் சம்பவ இடத்திற்கு விரைந்தனர். சுமார் 1 மணி நேரம் போராடி தீயை அணைத்தனர். எனினும் மூங்கில் கம்புகள் அனைத்தும் தீயில் எரிந்து சேதமானது. தீயணைப்பு நடவடிக்கையால் அருகே உள்ள குடியிருப்பு பகுதிகளிலும், ஜமாத் கட்டிடத்திலும் தீ பரவாமல் தடுக்கப்பட்டது. சேத மதிப்பு ரூ.2  லட்சம் இருக்கும் என கூறப்படுகிறது. தீ விபத்திற்கான காரணம் பற்றி நகர் மேற்கு போலீசார் விசாரணை மேற்கொண்டுள்ளனர்.