சேலம் அரசு ஆஸ்பத்திரியில் பெண் ஐ.ஏ.எஸ். அதிகாரிக்கு பிரசவம் அழகான பெண் குழந்தை பிறந்தது

சேலம்

சேலம் மாவட்டம் வாழப்பாடி அருகே பேளூர் அடுத்த கரடிப்பட்டியை சேர்ந்தவர் தர்மலாஸ்ரீ. ஐ.ஏ.எஸ். தேர்ச்சி பெற்றுள்ள இவர், தற்போது கேரளா மாநிலம் ஆலப்புழாவில் சப்-கலெக்டராக பணியாற்றி வருகிறார். கர்ப்பமாக இருந்தால் பெற்றோர் வீட்டில் இருந்தார். அவருக்கு பிரசவ வலி ஏற்பட்டது. பெற்றோர் மற்றும் உறவினர்கள் தனியார் மருத்துவமனையில் சேருமாறு அறிவுறுத்தினர். ஆனால் தர்மலாஸ்ரீ கடந்த 11-ந் தேதி சேலம் அரசு ஆஸ்பத்திரியில் பிரசவத்திற்காக சேர்ந்தார். அங்கு அவர், பிரசவ வார்டில் மற்ற பெண்களுடன் தங்கி இருந்தார். நேற்று முன்தினம் சப்-கலெக்டர் தர்மலாஸ்ரீக்கு அழகான பெண் குழந்தை பிறந்தது. இதனை அறிந்த அவரது பெற்றோர் மற்றும் உறவினர்கள் சேலம் அரசு ஆஸ்பத்திரிக்கு வந்து தாயையும், அவரது குழந்தையையும் பார்த்துவிட்டு சென்றனர்.