பள்ளி, கல்லூரி திறக்க அரசு அனுமதி அளித்து இருப்பது மகிழ்ச்சி அளிக்கிறது-ஆசிரியர்-மாணவர்கள் பேட்டி

காரைக்குடியை சேர்ந்த பீட்டர்ராஜா(தமிழ்நாடு உயர்நிலை, மேல்நிலை தலைமையாசிரியர் சங்க மாநில தலைவர்):-
கொரோனா தொற்று காரணமாக மாணவர்கள் கடந்த 1½ ஆண்டு காலமாக வீட்டிலேயே இருந்து வருவதால் தனது சக நண்பர்கள் மற்றும் ஆசிரியர்களை பார்க்க முடியாத நிலை உள்ளது. இதனால் அவர்கள்  கடும் மன அழுத்தத்தில் உள்ளனர். இந்த சூழ்நிலையில் கொரோனா தொற்று குறைந்ததை தொடர்ந்து, பள்ளி திறக்க அரசு அனுமதி அளித்து இருப்பது மகிழ்ச்சி அளிக்கிறது.
கானாடுகாத்தான் பகுதியை சேர்ந்த அபிநயா (காரைக்குடி கல்லூரி மாணவி):-
ஏற்கனவே கொரோனா காலக்கட்டத்தில் ஆன்லைன் மூலம் படித்தது மகிழ்ச்சியாக இருந்தாலும் நேரடியாக சென்று படிப்பது போல் இல்லை. இதுதவிர ஆசிரியர்களிடம் நேரடியாக சந்தேகங்களை கேட்பது போன்ற அனுபவம் இல்லை. இதுதவிர சில மாணவர்கள் கிராமப்புறங்களில் உள்ளனர். அவர்களுக்கு நெட்வொர்க் உள்ளிட்ட பிரச்சினைகள் காரணமாகவும் இந்த ஆன்லைன் படிப்பை மேற்கொள்வதில் பல்வேறு பிரச்சினைகளை சந்தித்து வந்தனர். தற்போது பள்ளி திறக்க அரசு அனுமதி அளித்து இருப்பது மகிழ்ச்சி அளிக்கிறது.