82 பேருக்கு கொரோனா

சேலம், ஆக.23-

சேலம் மாவட்டத்தில் கடந்த சில நாட்களாக கொரோனாவால் பாதிக்கப்பட்டவர்களின் எண்ணிக்கை குறைவதும், கூடுவதுமாக இருந்து வருகிறது. நேற்று முன்தினம் 79 பேர் தொற்றால் பாதிக்கப்பட்டனர். நேற்று 82 பேருக்கு தொற்று பாதிப்பு ஏற்பட்டு இருப்பது பரிசோதனையில் உறுதி செய்யப்பட்டது. இதில் மாநகராட்சி பகுதியில் 10 பேர் பாதிக்கப்பட்டனர். தாரமங்கலம், காடையம்பட்டி பகுதியில் தலா ஒருவர், எடப்பாடி, கொங்கணாபுரத்தில் தலா 4 பேர், மகுடஞ்சாவடி, நங்கவள்ளி, ஓமலூர், சங்ககிரியில் தலா 5 பேர், கொளத்தூரில் 6 பேர், மேச்சேரியில் 7 பேர், வீரபாண்டியில் 13 பேர் பாதிக்கப்பட்டனர்.ஆத்தூர், பெத்தநாயக்கன்பாளையத்தில் தலா ஒருவர், தலைவாசலில் 2 பேர், கெங்கவல்லி, பனமரத்துப்பட்டியில் தலா 4 பேர் பாதிக்கப்பட்டனர். மேலும் நாமக்கல், தர்மபுரி மாவட்டத்தில் இருந்து சேலத்திற்கு வந்த தலா ஒருவர் உள்பட மாவட்டம் முழுவதும் நேற்று ஒரே நாளில் 82 பேர் தொற்றால் பாதிக்கப்பட்டனர்.

இதனிடையே சிகிச்சை பலனின்றி நேற்று ஒருவர் பலியானார். அதன்படி மாவட்டத்தில் இதுவரை தொற்றால் பாதிக்கப்பட்டவர்களின் எண்ணிக்கை 95 ஆயிரத்து 521 ஆக அதிகரித்து உள்ளது. மாவட்டம் முழுவதும் இதுவரை கொரோனாவுக்கு 1,622 பேர் பலியாகி உள்ளனர்.