9-ம் வகுப்பு மாணவியை கடத்தி திருமணம்; ஆட்டோ டிரைவர் கைது

இளையான்குடி,
இளையான்குடி அருகே 9-ம் வகுப்பு மாணவியை கடத்தி சென்று திருமணம் செய்த ஆட்டோ டிரைவரை போலீசார் போக்சோ சட்டத்தில் கைது செய்தனர்.
இளையான்குடி தாலுகாவிற்கு உட்பட்ட சாலைக்கிராமம் அருகே உள்ள களத்தூர் கிராமத்தை சேர்ந்தவர் முனியாண்டி. இவருடைய மகன் மணிமாறன் (வயது 27). ஆட்டோ டிரைவர்.
இதற்கிடையே மாணவியை காணாத பெற்றோர் சாலைக்கிராமம் போலீசில் புகார் செய்தனர். இதன்பேரில் போலீசார் வழக்குபதிவு செய்து விசாரணை நடத்தினர்.
இந்த நிலையில் திருப்பூர் அருகே நொச்சிப்பாளையத்தில் மணிமாறனுடன் தங்கி இருந்த மாணவியை மீட்டு சிவகங்கை அரசு காப்பகத்தில் ஒப்படைத்தனர். மாணவியை ஆசை வார்த்தை கூறி கடத்தி சென்று திருமணம் செய்த மணிமாறனை சாலைக்கிராமம் இன்ஸ்பெக்டர் பாண்டி போக்சோ சட்டத்தில் கைது செய்து விசாரணை நடத்தி வருகிறார்.