மாரண்டஅள்ளி அருகே விபத்தில் விவசாயி சாவு

பாலக்கோடு:

மாரண்டஅள்ளி அடுத்த குண்டுபள்ளம் கிராமத்தை சேர்ந்தவர் ரவி (வயது 42). விவசாயி. இவருடைய மனைவி தீபா. இவர்களுக்கு ஒரு வயதில் குழந்தை உள்ளது. இந்தநிலையில் நேற்று முன்தினம் இரவு ரவி வீட்டிலிருந்து சந்தாபுரத்தில் உள்ள தனது அப்பா குட்டியப்பனுக்கு சாப்பாடு கொடுப்பதற்காக மோட்டார்சைக்கிளில் சென்றார்.

 அப்போது மாரண்டஅள்ளியில் இருந்து ராயக்கோட்டைக்கு செல்லும் பாதையில் சென்றபோது அங்கிருந்த பள்ளத்தை கவனிக்காமல் மோட்டார் சைக்கிளுடன் பள்ளத்தில் ரவி தலைகுப்புற விழுந்து விபத்துக்குள்ளானார். இதில் தலையில் பலத்த காயம் அடைந்த அவர் சம்பவ இடத்திலேயே உயிரிழந்தார். 

நேற்று காலை அந்த வழியாக சென்றவர்கள் ஆண் இறந்து கிடப்பதை கண்டு அதிர்ச்சி அடைந்து மாரண்டஅள்ளி போலீசாருக்கு தகவல் தெரிவித்தனர். அதன்பேரில் போலீசார் சம்பவ இடத்திற்கு விரைந்து சென்று ரவியின் உடலை கைப்பற்றி பிரேத பரிசோதனைக்காக பாலக்கோடு அரசு மருத்துவமனைக்கு அனுப்பி வைத்தனர். இதுகுறித்து மாரண்டஅள்ளி போலீசார் வழக்குப்பதிவு செய்து விசாரணை நடத்தி வருகின்றனர்.

========