சிறுமியை திருமணம் செய்த வாலிபர் கைது

மணப்பாறை

 மணப்பாறை பகுதியை சேர்ந்த 17 வயது சிறுமியை திண்டுக்கல் மாவட்டம் தாடிக்கொம்பு பகுதியைச் சேர்ந்த லியோ ஆண்டனி (வயது 20) என்பவர் கடந்த 21-ந் தேதி அழைத்துச் சென்று திருமணம் செய்து கொண்டதாக கூறப்படுகிறது. தனது மகளை காணவில்லை என்று அந்த சிறுமியின் தாய் ஏற்கனவே மணப்பாறை போலீசில் புகார் அளித்திருந்தார். அந்த புகாரின் அடிப்படையில் சிறுமியை போலீசார் தேடி வந்தநிலையில் லியோ ஆண்டனி திருமணம் செய்தது தெரிய வந்தது. பின்னர் குழந்தை திருமண தடுப்பு சட்டத்தின் கீழ் லியோ ஆண்டனி மீது போலீசார் வழக்குப்பதிவு செய்து அவரை கைது செய்தனர்.