நிலக்கோட்டை ஊராட்சி ஒன்றியக்குழு கூட்டம்

நிலக்கோட்டை: 

நிலக்கோட்டை ஊராட்சி ஒன்றியக்குழு கூட்டம், ஒன்றியக்குழு தலைவர் ரெஜினா நாயகம் தலைமையில் நடந்தது. இதில் ஒன்றியக்குழு துணைத்தலைவர் யாகப்பன், வட்டார வளர்ச்சி அலுவலர் முனியாண்டி, வட்டார வளர்ச்சி அலுவலர் (கிராம ஊராட்சி) கிருஷ்ணன் ஆகியோர் முன்னிலை வகித்தனர். ஊராட்சி ஒன்றிய அலுவலக மேலாளர் ராஜ்மோகன் வரவேற்றார்.

கூட்டத்தில் ஊராட்சி ஒன்றிய பகுதிகளில் வீடுகள் தோறும் குடிநீர் வழங்கிடவும், அனைத்து கிராமங்களிலும் சாலை வசதிகளை மேம்படுத்தவும், குடிநீர் மற்றும் அடிப்படை தேவைகளை உடனடியாக நிறைவேற்றுவது என்பன உள்ளிட்ட தீர்மானங்கள் நிறைவேற்றப்பட்டன. இதில் ஒன்றியக்குழு உறுப்பினர்கள், அலுவலக பணியாளர்கள் மற்றும் அனைத்து துறை அலுவலர்கள் கலந்து கொண்டனர்.