அடுத்தடுத்த 2 வீடுகளில் திருட்டு

திருச்சி,ஆக.31-
திருச்சி சண்முகா நகர் பகுதியை சேர்ந்தவர் மணி அய்யர் (வயது 68). சமையல்காரரான இவர் நேற்று அதிகாலையில் வீட்டில் அயர்ந்த தூங்கி கொண்டிருந்தார். அப்போது, மர்ம ஆசாமிகள் வீட்டின் பின்பக்க கதவை உடைத்து உள்ளே புகுந்தனர். பின்னர் வீட்டில் இருந்த பீரோவை உடைத்து அதில் இருந்த ரூ.20 ஆயிரத்தை திருடி சென்று விட்டனர். இதேபோல் பக்கத்து வீட்டில் வசித்து வரும் தனியார் வங்கி முன்னாள் மேலாளர் ராமசாமி (68) என்பவரது வீட்டிலும் மர்ம ஆசாமிகள் பின்பக்க கதவை உடைத்து உள்ளே புகுந்து பீரோவில் இருந்த ரூ.30 ஆயிரத்தை திருடி சென்றுவிட்டனர். இந்த சம்பவம் குறித்து தனித்தனியாக வந்த புகாரின் பேரில் அரசு மருத்துவமனை போலீசார் வழக்குப்பதிவு செய்து மர்ம ஆசாமிகளை வலைவீசி தேடி வருகின்றனர். திருட்டு நடந்த 2 வீடுகளில் முதியவர்கள் தனியாக இருந்துள்ளனர் என்பது குறிப்பிடத்தக்கது. இதைநோட்டமிட்டுதான் ஆசாமிகள் திருட்டில் ஈடுபட்டுள்ளனர் என்பது குறிப்பிடத்தக்கது.