<
திருப்பத்தூர் மாவட்டத்தில் ஊரக உள்ளாட்சி தேர்தலுக்கான வாக்காளர் பட்டியல் வெளியீடு. 6,64,108 வாக்காளர்கள் உள்ளனர்
திருப்பத்தூர் மாவட்டத்தில் நேற்று ஊரக உள்ளாட்சி தேர்தலுக்கான வாக்காளர் பட்டியலை கலெக்டர் அமர்குஷ்வாஹா வெளியிட்டார். இதில் 6,64,108 வாக்காளர்கள் இடம்பெற்றுள்ளனர்.
திருப்பத்தூர்
திருப்பத்தூர் மாவட்டத்தில் நேற்று ஊரக உள்ளாட்சி தேர்தலுக்கான வாக்காளர் பட்டியலை கலெக்டர் அமர்குஷ்வாஹா வெளியிட்டார். இதில் 6,64,108 வாக்காளர்கள் இடம்பெற்றுள்ளனர்.
வாக்காளர் பட்டியல் வெளியீடு
ஊராக உள்ளாட்சி தேர்தல் நடைபெற இருப்பதையொட்டி அதற்கான வாக்காளர் பட்டியல் நேற்று வெளியிடப்பட்டது. திருப்பத்தூர் மாவட்ட வரைவு வாக்காளர் பட்டியலை கலெக்டர் அலுவலகத்தில் கலெக்டர் அமர்குஷ்வாஹா அங்கீகரிக்கப்பட்ட அரசியல் கட்சி பிரமுகர்கள் முன்னிலையில் வெளிட்டார். அதனை அரசியல் கட்சி பிரமுகர்கள் பெற்றுக் கொண்டனர்.
வெளியிடப்பட்ட வாக்காளர் பட்டியல் இன்று (புதன்கிழமை) முதல் மாவட்ட ஊராட்சி அலுவலகம், ஊராட்சிகள் உதவி இயக்குநர் அலுவலகம், ஊராட்சி ஒன்றிய அலுவலகம் மற்றும் கிராம ஊராட்சி அலுவலகங்களில் பொதுமக்கள் பார்வைக்காக வைக்கப்பட உள்ளது.
ஒன்றியம் வாரியாக
நேற்று வெளியிடப்பட்ட வாக்காளர் பட்டியல் படி திருப்பத்தூர் மாவட்டத்தில் ஒன்றியம் வியாக வாக்காளர்கள் விவரம் வருமாறு:-
ஆலங்காயம் ஒன்றியத்தில் ஆண் வாக்காளர்கள் 47,165, பெண் வாக்காளர்கள் 47,141, மற்றவர்கள் 5 என மொத்த வாக்காளர் எண்ணிக்கை 94,311 ஆகும். 161 வாக்குச் சாவடி மையங்கள் உள்ளது. ஜோலார்பேட்டை ஒன்றியத்தில் ஆண் வாக்காளர்கள் 68,350, பெண் வாக்காளர்கள் 68,894, மற்றவர்கள் 6. மொத்த வாக்காளர் எண்ணிக்கை 1,37,250. 242 வாக்குச் சாவடி மையங்கள் உள்ளது.
கந்தலி ஒன்றியத்தில் ஆண் வாக்காளர்கள் 59,513, பெண் வாக்காளர்கள் 59,704. மற்றவர்கள் 9 பேர் என மொத்த வாக்காளர் எண்ணிக்கை 1,19,226 ஆகும். 199 வாக்குச் சாவடி மையங்கள் உள்ளது. மாதனூர் ஒன்றியத்தில் ஆண் வாக்காளர்கள் 59,174, பெண் வாக்காளர்கள் 63,320, மற்றவர்கள் 11 என மொத்த வாக்காளர் எண்ணிக்கை 1,22,505, மொத்த வாக்குச் சாவடி மையங்கள் 224 ஆகும்.
நாட்றம்பள்ளி ஒன்றியத்தில் ஆண் வாக்காளர்கள் 38,692, பெண் வாக்காளர்கள் 38,219, மற்றவர்கள் 2 என மொத்த வாக்காளர் எண்ணிக்கை 76,913, மொத்த வாக்குச் சாவடி மையங்கள் 141. திருப்பத்தூர் ஒன்றியத்தில் ஆண் வாக்காளர்கள் 57,065, பெண் வாக்காளர்கள் 56,837 மற்றவர்கள் 1 என மொத்த வாக்காளர் எண்ணிக்கை 1,13,903, மொத்த வாக்குச் சாவடி மையங்கள் 197.
6,64,108 வாக்காளர்கள்
திருப்பத்தூர் மாவட்டத்தில் உள்ள 6 ஒன்றியங்களிலும் ஆண் வாக்காளர்கள் 329959, பெண் வாக்காளர்கள் 334115, மற்றவர்கள் 34 என மொத்தம் 6,64,108 வாக்காளர்கள் உள்ளனர்.
நிகழ்ச்சியில் மாவட்ட ஊரக வளர்ச்சி முகமை திட்ட இயக்குநர் கு.செல்வராசு, ஊராட்சிகள் உதவி இயக்குநர் அருண் உள்ளிட்ட பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
