நங்கவள்ளி அருகே 10-ம் வகுப்பு மாணவன் தற்கொலை

மேச்சேரி:

நங்கவள்ளி அருகே விருதாசம்பட்டி சாந்திபுரம் பகுதியை சேர்ந்தவர் சசிகுமார். இவருடைய மகன் வேத வியாஸ் (வயது 14). இவன் அந்த பகுதியில் உள்ள ஒரு தனியார் பள்ளியில் 10-ம் வகுப்பு படித்து வந்தான்.  இந்த நிலையில் மாணவர் வேத வியாசுக்கு வயிற்றுப்புண் ஏற்பட்டு அடிக்கடி வயிற்று வலியால் அவதிப்பட்டு வந்துள்ளான். இதனால் மனம் உடைந்த அவன், நேற்று முன்தினம் மாலை வீட்டின் விட்டத்தில் உள்ள இரும்பு கொக்கியில் கயிற்றால் தூக்குப்போட்டு தொங்கி உள்ளான். இதைபார்த்த அவரது குடும்பத்தினர் உடனடியாக அவனை மீட்டு மேட்டூர் அரசு ஆஸ்பத்திரிக்கு கொண்டு சென்றனர் அங்கு அவனை பரிசோதித்த டாக்டர்கள், மாணவன் ஏற்கனவே இறந்து விட்டதாக தெரிவித்தனர். இதையடுத்து மாணவன் தற்கொலை செய்து கொண்ட சம்பவம் குறித்து மேச்சேரி போலீசார் வழக்குப்பதிவு செய்து விசாரணை நடத்தி வருகின்றனர்.