லாரி மோதி தொழிலாளி சாவு

ஆலங்குடி  அருகே சிக்கப்பட்டியை சேர்ந்தவர் விஜயபாரதி (வயது 49). இவர், மேட்டுப்பட்டியில் உள்ள ரைஸ் மில்லில் தொழிலாளியாக வேலை பார்த்து வந்தார். சம்பவத்தன்று வீட்டிலிருந்து மோட்டார் சைக்கிளில் மில்லுக்கு செல்வதற்காக ஆலங்குடி-வடகாடு முக்கத்தில் வந்து கொண்டிருந்தார். அப்போது அந்த வழியாக வந்த டிப்பர் லாரி விஜயபாரதி ஓட்டிவந்த மோட்டார் சைக்கிள் மீது மோதியது. இதில் படுகாயமடைந்த அவர் புதுக்கோட்டை அரசு மருத்துவமனையில் சிகிச்சை பெற்று வந்தார். பின்னர் மேல்சிகிச்சைக்காக தஞ்சாவூர் மருத்துவக்கல்லூரி மருத்துவமனைக்கு அனுப்பி வைக்கப்பட்டார். அங்கு சிகிச்சை பலனின்றி விஜயபாரதி பரிதாபமாக இறந்தார். இதுகுறித்து ஆலங்குடி போலீசார் வழக்குப்பதிவு செய்து விசாரணை நடத்தி வருகின்றனர்.