கூட்டநெரிசல் அதிகம் உள்ள நேரங்களிலும் 2 டோஸ் தடுப்பூசி போட்ட ஆண்கள் மின்சார ரெயிலில் பயணிக்கலாம்: ரெயில்வே

மாணவர்கள் உள்பட அனைவருக்கும் அனைத்து விதமான டிக்கெட்டுகளும் கவுண்ட்டர்களில் வழங்கப்படும். ஆண் பயணிகளுக்கு விதிக்கப்பட்ட கட்டுப்பாடுகளில் தளர்வுகள் அளிக்கப்பட்டுள்ளது. அதன்படி கூட்டநெரிசல் அதிகமுள்ள காலை 7 மணி முதல் 9.30 மணி வரையிலும், மாலை 4.30 மணி முதல் இரவு 7 மணி வரையிலும் ‘பீக் அவர்ஸ்’ நேரங்களிலும் 2 டோஸ் தடுப்பூசி போட்டுக்கொண்ட அனைத்து ஆண் பணிகளும் மின்சார ரெயிலில் பயணிக்கலாம். தடுப்பூசி போட்டுக்கொண்ட சான்றிதழை கவுண்ட்டர்களில் காண்பித்து ஆண் பயணிகள் டிக்கெட்டுகளை பெற்றுக்கொள்ளலாம்.

அதேநேரத்தில் மாணவர்களை தவிர்த்து, சம்பந்தப்பட்ட நிறுவனத்தின் அடையாள அட்டை வைத்திருக்காத தனியார் நிறுவன ஆண் ஊழியர்களும், 2 டோஸ் தடுப்பூசி போட்டுக்கொண்டதற்கான சான்றிதழ்களை கொண்டு வராத ஆண் பயணிகளும் கூட்டநெரிசல் இல்லாத நேரங்களில் மட்டுமே மின்சார ரெயிலில் பயணிக்க அனுமதிக்கப்படுவார்கள்.

இவ்வாறு அதில் கூறப்பட்டுள்ளது.