தூத்துக்குடியில் வாலிபரிடம் மது குடிக்க பணம் கேட்டு மிரட்டியவர் கைது

தூத்துக்குடி:

தூத்துக்குடி பாத்திமா நகரைச் சேர்ந்தவர் சந்தனராஜ். இவருடைய மகன் அஜித் (வயது 33). இவர் நேற்று முன்தினம் இரவு மீன்பிடி துறைமுகம் அருகே நடந்து சென்று கொண்டு இருந்தாராம். அப்போது அங்கு வந்த அதே பகுதியைச் சேர்ந்த கோல்டுமேன் மகன் விஜய் (30) என்பவர் மது குடிக்க பணம் கேட்டாராம். அஜித் தர மறுத்ததால், ஆத்திரம் அடைந்த விஜய், கத்தியால் தாக்கி கொலை மிரட்டல் விடுத்தாராம்.

இது குறித்து அஜித் அளித்த புகாரின் பேரில் தென்பாகம் போலீசார் வழக்கு பதிவு செய்து விஜயை கைது செய்தனர். இவர் மீது ஏற்கனவே 6 வழக்குகள் நிலுவையில் உள்ளது  குறிப்பிடத்தக்கது.