<
ஆம்பூரில் லாரி சக்கரத்தில் சிக்கி பெண் பலி
லாரி சக்கரத்தில் சிக்கி பெண் பலி
ஆம்பூர்
ஆம்பூர் சான்றோர்குப்பம் லட்சுமி நகர் பகுதியை சேர்ந்தவர் கோவிந்தராஜ் (வயது 55), முன்னாள் மத்திய பாதுகாப்பு படை வீரர். இவரது மனைவி நிர்மலா (49). இவர்களுக்கு 2 மகள்கள், ஒரு மகன் உள்ளனர்.
இந்த நிலையில் கோவிந்தராஜ் நேற்று மனைவியுடன் வீட்டிலிருந்து அருகிலுள்ள கோவிலுக்கு ஸ்கூட்டரில் சென்று கொண்டிருந்தார். பைபாஸ் சாலை அருகே சென்று கொண்டிருந்த போது பெங்களூருவில் இருந்து சென்னை கப்பல் துறைமுகத்திற்கு சென்று கொண்டிருந்த கன்டெய்னர் லாரியில் திடீரென ஸ்கூட்டா் உரசியது.
இதில் நிலை தடுமாறி கீழே விழுந்ததில் லாரியின் சக்கரத்தில் நிர்மலா சிக்கி கொண்டார். அவர் மீது லாரியின் சக்கரம் ஏறி இறங்கியதில் சம்பவ இடத்திலேயே அவர் உயிரிழந்தார். மேலும் படுகாயமடைந்த கோவிந்தராஜை அப்பகுதி மக்கள் மற்றும் ஆம்பூர் நகர போலீசார் மீட்டு ஆம்பூர் அரசு மருத்துவமனைக்கு அனுப்பி வைத்தனர்.
மேலும் நிர்மலா உடலை பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர்.
இச்சம்பவம் குறித்து போலீசார் வழக்குப்பதிவு செய்து திருவள்ளூர் மாவட்டம் இருளஞ்சேரி பகுதியை சேர்ந்த லாரி டிரைவர் செல்வராஜை (வயது 35) கைது செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
