<
போலீசாரின் கண் முன்னே மருத்துவமனை ஊழியரின் மோட்டார்சைக்கிள் திருட்டு
சோளிங்கரில் போலீசாரின் கண் முன்னே மருத்துவமனை ஊழியரின் மோட்டார்சைக்கிள் திருட்டு
சோளிங்கர்
சோளிங்கரை அடுத்த கொண்டபாளையம் கிராமத்தைச் சேர்ந்தவர் பெருமாள். இவர் அரசு மருத்துவமனையில் ஊழியராகப் பணியாற்றி வருகிறார்.
இவர் இன்று காலை வழக்கம்போல் தனது மோட்டார்சைக்கிளில் மருத்துவமனைக்கு பணிக்கு வந்தார்.
எக்ஸ்ரே பிரிவு பகுதியில் மோட்டார்சைக்கிளை நிறுத்தி விட்டு பணிக்கு சென்று விட்டார். மாலை பணி முடிந்து வீட்டுக்கு புறப்படுவதற்காக அவர் தனது மோட்டார்சைக்கிளை எடுக்க வந்தார்.
அங்கு நிறுத்தி வைத்திருந்த இடத்தில் அவரின் மோட்டார்சைக்கிளை காணாதது கண்டு அதிர்ச்சி அடைந்தார்.
இது குறித்து அங்குள்ள அலுவலக வளாகத்தில் பொருத்தப்பட்டுள்ள கண்காணிப்பு கேமராவில் பதிவான காட்சிகளை ஆய்வு செய்தபோது, மதியம் 2.12 மணியளவில் போலீசாரின் கண்முன்னே நடந்து வந்த ஒரு திருடன், பெருமாளின் மோட்டார்சைக்கிளை துணிச்சலாக திருடிச் செல்லும் காட்சி பதிவாகி உள்ளது.
இதுகுறித்து பெருமாள் சோளிங்கர் போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி மோட்டார்சைக்கிளை திருடிச்சென்ற மர்மநபரை வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
