கொரோனா தடுப்பூசி போட்ட பொதுமக்களுக்கு பரிசு

செங்கோட்டை:

செங்கோட்டை அருகே விசுவநாதபுரம் எம்எம்.நடுநிலைப்பள்ளியில் பெரியபிள்ளைவலசை ஊராட்சி சார்பில் கொரோனா தடுப்பூசி திருவிழா நடந்தது. வடகரை வட்டார மருத்துவ அலுவலா் டாக்டா் முகம்மது இப்ராஹீம் தலைமை தாங்கினார். தென்காசி வட்டார வளா்ச்சி அலுவலா்கள் குழந்தைமணி, பார்த்தசாரதி ஆகியோர் முன்னிலைவகித்தனா். ஊராட்சி செயலா் செல்லப்பா வரவேற்றார். டாக்டா் விஷால் மற்றும் மருத்துவ குழுவினா் பொதுமக்களுக்கு கொரோனா தடுப்பூசிகளை போட்டனர். மேலும் கொரோனா தடுப்பூசி போட்டுக்கொள்ள வந்த பொதுமக்களை உற்சாகப்படுத்தும் விதமாக அனைவருக்கும் பரிசு பொருட்கள் வழங்கப்பட்டது.

நிகழ்ச்சியில் துணை வட்டார வளா்ச்சி அலுவலா் சரவணசண்முகம், விசுவநாதபுரம் நந்தனா, பொறியாளா் வேலுச்சாமி, தன்னார்வலா்கள், மஸ்தூர் பணியாளா்கள், துாய்மை பணியாளா்கள் உள்பட பலா் கலந்து கொண்டனா். முகாமில் விசுவநாதபுரம் சுற்றுவட்டார பகுதிகளை சேர்ந்த சுமார் 315 பேர் சமூக விலகலுடன் முககவசம் அணிந்து ஆர்வமுடன் தடுப்பூசி போட்டு சென்றனா்.