<
சூதாடிய 6 பேர் கைது
சூதாடிய 6 பேர் கைது
தளி
உடுமலை உட்கோட்டம் ஜல்லிபட்டி ஊராட்சிக்கு உட்பட்ட லிங்கமாவூர் அருகே உள்ள கொங்குரார்குட்டை பகுதியில் பணம் வைத்து சேவல் சண்டை சூதாட்டம் நடைபெறுவதாக தனிப்படை போலீசாருக்கு ரகசிய தகவல் கிடைத்தது. அதன்பேரில் கைலி அணிந்து கொண்டு மாறுவேடத்தில் போலீசார் சம்பவ இடத்துக்கு விரைந்தனர். அங்கு சேவல் சண்டை நடத்தி சூதாட்டத்தில் ஈடுபட்டிருந்த குறிச்சிக்கோட்டையைச் சேர்ந்த கஞ்சிமலை (வயது31), ரங்கநாதன் (39), ஜல்லிபட்டியைச் சேர்ந்த செந்தில் (35), தியாகராஜன் (52), இளவரசன் (35) வேட்டைக்காரன்புதூரைச்சேர்ந்த வீரமுத்து (29) ஆகியோரை சுற்றி வளைத்து கைது செய்தனர். பின்னர் அவர்களிடமிருந்து 6 சேவல்கள், ரூ.9 ஆயிரம், 6 மோட்டார் சைக்கிள்கள் உள்ளிட்டவற்றை பறிமுதல் செய்து அமராவதி போலீஸ் நிலையத்தில் ஒப்படைத்தனர். இதுகுறித்து அமராவதி போலீசார் வழக்குப்பதிவு செய்து விசாரணை செய்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
