தொழிலாளி வீட்டில் தீ

தேனி: 

 தேனி மாவட்டம் போடி சோலை சொக்கலிங்கம் நகர் 4-வது தெருவை சேர்ந்தவர் கார்த்திகேயன். கூலித்தொழிலாளி. நேற்று இவர் வீட்டின் குளியலறையில் தீப்பிடித்தது. தீ மளமளவென பரவியது. உடனே அவர் போடி தீயணைப்பு நிலையத்திற்கு தகவல் கொடுத்தார். அதன்பேரில் போடி தீயணைப்பு நிலைய அலுவலர் சக்திவேல் தலைமையிலான படைவீரர்கள் சம்பவ இடத்திற்கு விரைந்து வந்தனர். 

சுமார் அரைமணி நேரம் போராடி தீயை அணைத்தனர். இதில் வீட்டில் இருந்த மின் மோட்டார், வாட்டர் ஹீட்டர் உள்ளிட்ட பொருட்கள் தீயில் எரிந்து நாசமாகின. வீட்டின் குளியலறையில் இருந்த வாட்டர் ஹீட்டரில் மின்கசிவு ஏற்பட்டதில் தீப்பிடித்ததாக தீயணைப்புத்துறையினர் தெரிவித்தனர்.