தகராறில் வாலிபர் கைது

செங்கோட்டை:

செங்கோட்டை அருகே உள்ள வல்லம் கிராமத்தை சேர்ந்தவர் காளிதாஸ் (வயது 42). இவரது நண்பரான அதே பகுதியை சேர்ந்த ஆனந்த் என்பவர் வல்லம் பகுதியை சேர்ந்த சுடலை (37) என்பவரிடம் கார் டிரைவராக பணியாற்றி வந்துள்ளார். கடந்த சில தினங்களாக ஆன்ந்த் வேலைக்கு வரவில்லை. இதற்கு ஆனந்தின் நண்பனான காளிதாஸ் தான் காரணம் என கருதி சுடலை வாக்குவாதத்தில் ஈடுபட்டார். அப்போது சுடலை மற்றும் அவரது கூட்டாளிகளான பார்த்திபன், பாலன் ஆகியோர் சேர்ந்து காளிதாஸை தாக்கி உள்ளனர். இதுகுறித்த புகாரின் பேரில் செங்கோட்டை போலீ்சார் வழக்குப்பதிவு செய்து சுடலையை கைது செய்தனர். மேலும் இதுதொடர்பாக பார்த்திபன், பாலன் ஆகிய இருவரையும் தேடி வருகின்றனர். ஏற்கனவே சுடலை பெயர் ரவுடி பட்டியலில் உள்ளதாக கூறப்படுகிறது.