<
விநாயகர் சதுர்த்தி விழாவை பொதுமக்கள் வீடுகளிலேயே கொண்டாட வேண்டும்
திருவண்ணாமலை மாவட்டத்தில் விநாயகர் சதுர்த்தி விழாவை பொதுமக்கள் தங்கள் வீடுகளிலேயே பாதுகாப்பாக கொண்டாடுமாறு கலெக்டர் முருகேஷ் கேட்டுக்கொண்டுள்ளார்.
திருவண்ணாமலை
திருவண்ணாமலை மாவட்டத்தில் விநாயகர் சதுர்த்தி விழாவை பொதுமக்கள் தங்கள் வீடுகளிலேயே பாதுகாப்பாக கொண்டாடுமாறு கலெக்டர் முருகேஷ் கேட்டுக்கொண்டுள்ளார்.
இதுகுறித்து அவர் தெரிவித்திருப்பதாவது:-
சிலைகள் வைக்க தடை
திருவண்ணாமலை மாவட்டத்தில் கொரோனா வைரஸ் தொற்று பரவாமல் தடுக்கவும், பொது மக்கள் நலன் கருதியும், அரசு உத்தரவின் படி விநாயகர் சதுர்த்தி பண்டிகை நாளான வருகிற 10-ந் தேதியன்று (வெள்ளிக்கிழமை) பொது இடங்களில் விநாயகர் சிலைகளை நிறுவுவதற்கு தடைவிதிக்கப்பட்டுள்ளது. மேலும் விநாயகர் சிலைகளை ஊர்வலமாக எடுத்துச் செல்வதற்கும், நீர்நிலைகளில் கரைப்பதற்கும் தடை செய்யப்பட்டுள்ளது.
தனி நபர்கள் தங்களது வீடுகளில் விநாயகர் சிலைகளை வைத்து வழிபடவும், தனி நபர்களாக சென்று அருகிலுள்ள நீர்நிலைகளில் சிலைகளை கரைப்பதற்கும் அனுமதிக்கப்படுகிறது. மேற்குறிப்பிட்ட அனுமதி தனிநபர்களுக்கு மட்டும் பொருந்தும். எந்தவிதமான அமைப்புகளும் இச்செயல்பாடுகளில் ஈடுபடுவது முழுவதுமாக தடைசெய்யப்படுகிறது.
வீடுகளில் கொண்டாடுங்கள்
எனவே பொது மக்கள் விநாயகர் சதுர்த்தி விழாவை அவரவர் வீடுகளிலிலேயே பாதுகாப்பான முறையில் கொண்டாட அறிவுறுத்தப்படுகிறது. மேலும் வீடுகளில் வைத்து வழிபாடு செய்த சிலைகளை கோவில்களின் வெளிப்புறத்திலோ, சுற்றுப்புறத்திலோ வைக்கவும் அனுமதி அளிக்கப்படுகிறது. பண்டிகை தொடர்பான பொருட்கள் வாங்க கடைகள் மற்றும் சந்தைகளுக்கு செல்லும் பொதுமக்கள் தவறாது முககவசம் அணிவதோடு, சமூக இடைவெளியை கட்டாயம் கடைபிடிக்குமாறும் அறிவுறுத்தப்படுகிறது. அரசின் இந்த நடவடிக்கைகளுக்கு பொதுமக்கள் முழு ஒத்துழைப்பை அளிக்க வேண்டும்.
இவ்வாறு அவர் தெரிவித்து உள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
