<
பொது இடங்களில் விநாயகர் சிலைகள் வைத்து வழிபட்டால் நடவடிக்கை. போலீஸ் சூப்பிரண்டு எச்சரிக்கை
பொது இடங்களில் விநாயகர் சிலைகள் வைத்து வழிபட்டால் நடவடிக்கை
வேலூர்
விநாயகர் சதுர்த்தி விழா வருகிற 10-ந் தேதி நடைபெற உள்ளது. இதையொட்டி வேலூர் மாவட்டத்தில் விநாயகர் சதுர்த்தி விழா கொண்டாடுவது தொடர்பான ஆலோசனை கூட்டம் போலீஸ் சூப்பிரண்டு அலுவலகத்தில் நேற்று நடைபெற்றது.
கூட்டத்துக்கு போலீஸ் சூப்பிரண்டு செல்வகுமார் தலைமை தாங்கி பேசுகையில், தமிழக கொரோனா தொற்று பரவல் தடுப்பு நடவடிக்கையாக விநாயகர் சிலைகளை பொது இடங்களில் வைத்து வழிபடவும், வீடுகளில் வைத்து வழிபடும் சிலைகளை வாகனத்தில் ஊர்வலமாக எடுத்து சென்று நீர்நிலைகளில் கரைக்கவும் தமிழக அரசு தடை விதித்துள்ளது. எனவே அனைவரும் அதனை கட்டாயம் பின்பற்ற வேண்டும். விநாயகர் சதுர்த்தியன்று தடையை மீறி பொதுஇடங்களில் விநாயகர் சிலைகள் வைத்தால் கடும் நடவடிக்கை எடுக்கப்படும். விநாயகர் சதுர்த்தி விழா அமைதியாக நடைபெற ஒத்துழைப்பு அளிக்க வேண்டும் என்று தெரிவித்தார்.
இதில், இந்து முன்னணி மற்றும் விநாயகர் சதுர்த்தி விழாக்குழுவினர், போலீசார் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
