கடையம்:மின்சாரம் தாக்கி எலக்ட்ரீசியன் பலி

கடையம்:

கடையம் அருகே உள்ள மடவார் வளாகத்தை சேர்ந்த முருகன் மகன் சதீஷ் (வயது 30). எலக்ட்ரீசியன். இவர் ஒருவரது வீட்டில் மின் ஒயரில் ஏற்பட்ட பழுதை நீக்கும் பணியில் ஈடுபட்டார். அப்போது எதிர்பாராதவிதமாக அவர் மீது மின்சாரம் பாய்ந்தது. அங்கு இருந்தவர்கள் அவரை மீட்டு சிகிச்சைக்காக தென்காசி அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள், சதீஷ் ஏற்கனவே இறந்து விட்டதாக தெரிவித்தனர். இதுகுறித்த புகாரின் பேரில் கடையம் போலீசார் வழக்குப்பதிவு செய்து விசாரணை நடத்தி வருகிறார்கள்.