திருச்செந்தூரில் தீயணைப்பு துறையினர் பாதுகாப்பு ஓத்திகை

திருச்செந்தூர் ஆவுடையார்குளத்தில் தீயணைப்பு துறை சார்பில் பாதுகாப்பு ஒத்திகை நிகழ்ச்சி நடந்தது. வெள்ளம், அபாய காலங்கள் மற்றும் பருவ மழையால் ஏற்படும் பேரிடர் வெள்ளத்திலிருந்து, பொதுமக்கள் தங்கள் வீட்டில் உபயோகப்படுத்தும் அத்தியாவசிய பொருட்களை கொண்டு தங்களையும், குழந்தைகளையும், முதியோர்களையும் எப்படி காப்பாற்றுவது?  என்பது குறித்து திருச்செந்தூர் தீயணைப்பு மீட்புப்பணிகள் நிலையம் அலுவலர் ஆனந்தி தலைமையில் பணியாளர்கள் பேரிடர் பாதுகாப்பு ஒத்திகை குறித்து செய்து காண்பித்தனர்.நிகழ்ச்சியில், திருச்செந்தூர் தாசில்தார் முருகேசன், கிராம நிர்வாக அலுவலர் செல்வலிங்கம் மற்றும் பொது மக்கள் கலந்து கொண்டனர்.