நெல்லை:போக்குவரத்து தொழிற்சங்கத்தினர் ஆர்ப்பாட்டம்

நெல்லை:

தமிழ்நாடு அரசு போக்குவரத்து கழக ஏ.ஐ.டி.யு.சி. தொழிற்சங்கத்தினர் நெல்லை வண்ணார்பேட்டை அரசு போக்குவரத்து கழக பொதுமேலாளர் அலுவலகம் முன்பு நேற்று மாலையில் ஆர்ப்பாட்டம் நடத்தினர். பொதுச் செயலாளர் உலகநாதன் தலைமை தாங்கினார். மாநிலச்செயலாளர் காசி விஸ்வநாதன் ஆர்ப்பாட்டத்தை தொடங்கி வைத்து பேசினார். விலைவாசி உயர்வால் பாதிக்கப்படும் தொழிலாளர்களுக்கு அகவிலைப்படி உயர்வு வழங்கிட வேண்டும். ஓய்வுபெற்றவர்களுக்கு 6 ஆண்டுகளாக அகவிலைப்படி உயர்வு வழங்கப்படவில்லை. உடனே அகவிலைபடி வழங்க வேண்டும். புதிய மருத்துவ காப்பீட்டு திட்டத்தை அமல்படுத்த வேண்டும். இதேபோல் ஓய்வூதியர்களுக்கு மருத்துவ காப்பீடு திட்டத்தை விரிவுபடுத்த வேண்டும். அரசு போக்குவரத்து கழகங்களை பாதுகாத்திட வேண்டும் என்பன உள்ளிட்ட கோரிக்கைகளை வலியுறுத்தி ஆர்ப்பாட்டம் நடந்தது. ஆர்ப்பாட்டத்தில் மாநில பொதுச்செயலாளர் மூர்த்தி, நிர்வாகிகள் குமாரசாமி, காளிராஜ், ஹரிகிருஷ்ணன், பொருளாளர் சுப்பிரமணியன் உள்பட பலர் கலந்து கொண்டனர்.