<
இருதரப்பினர் இடையே தகராறு; 2 பேர் படுகாயம்
சீர்காழியில் முன்விரோதம் காரணமாக இருதரப்பினர் இடையே ஏற்பட தகராறில் 2 பேர் படுகாயம் அடைந்தனர். இதுதொடர்பாக போலீஸ்காரர் உள்பட 4 பேர் மீது வழக்குப்பதிவு செய்யப்பட்டுள்ளத
சீர்காழி:
சீர்காழியில் முன்விரோதம் காரணமாக இருதரப்பினர் இடையே ஏற்பட தகராறில் 2 பேர் படுகாயம் அடைந்தனர். இதுதொடர்பாக போலீஸ்காரர் உள்பட 4 பேர் மீது வழக்குப்பதிவு செய்யப்பட்டுள்ளது.
முன்விரோதம்
சீர்காழி ஈசானிய தெரு பகுதியை சேர்ந்தவர் தனசேகரன் (வயது35). இவர் வைத்தீஸ்வரன்கோவில் போலீஸ் நிலையத்தில் போலீஸ்காரராக பணியாற்றி வருகிறார். தனசேகரன் உறவினர்களுக்கும், சீர்காழி பன்னீர்செல்வம் நகரைச் சேர்ந்த தேவேந்திரன் மகன் பிரதீப் (20) என்பவருக்கும் இடையே முன்விரோதம் இருந்து வந்துள்ளது. இதுதொடர்பாக 3 மாதங்களுக்கு முன்பு தகராறு ஏற்பட்டு சமாதானமாக சென்றுள்ளனர்.
இந்நிலையில் நேற்று பிரதீப் அவரது உறவினரான கொண்டத்தூர் கிராமம் தெற்கு பண்டாரவாடை கிராமத்தைச் சேர்ந்த செல்வராஜ் மகன் அமிர்தராஜ். (வயது35) என்பவருடன் வந்து தனசேகரன் உறவினர் வீட்டில் தகராறில் ஈடுபட்டதாக கூறப்படுகிறது.
தகராறு
இதுகுறித்து தகவல் அறிந்த தனசேகரன் அங்கு வந்து பிரதீப், அமிர்தராஜ் ஆகியோரை சமாதானம் செய்துள்ளார். அதனை கேட்காத அவர்கள் மீண்டும் ரகளையில் ஈடுபட்டதால் இருதரப்பிற்கும் இடையே தகராறு ஏற்பட்டது. இதனால் ஆத்திரமடைந்த தனசேகரன் கட்டையால் தாக்கியதில் பிரதீப், அமிர்தராஜ் ஆகியோர் படுகாயம் அடைந்தனர். இவர்களை அருகில் இருந்தவர்கள் மீட்டு சிகிச்சைக்காக சீர்காழி அரசு மருத்துவமனையில் அனுமதித்தனர்.
இதுகுறித்து அமிர்தராஜ் கொடுத்த புகாரின் பேரில் சீர்காழி போலீசார், சீர்காழி ஈசானித் தெருவை சேர்ந்த பாபு(47), போலீஸ்காரர் தனசேகரன் ஆகிய 2 பேர் மீது வழக்குப்பதிவு செய்தனர். இதேபோல் தனசேகரன் கொடுத்த புகாரின் பேரில் பிரதீப், அமிர்தராஜ் ஆகிய 2 பேர் மீது வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
