தூத்துக்குடி, கோவில்பட்டியில் சத்துணவு மற்றும் அங்கன்வாடி ஓய்வூதியர் சங்கத்தினர் ஆர்ப்பாட்டம்

தூத்துக்குடி மற்றும் கோவில்பட்டியில் பல்வேறு கோரிக்கைகளை வலியுறுத்தி நேற்று சத்துணவு மற்றும் அங்கன்வாடி ஓய்வூதியர் சங்கத்தினர் ஆர்ப்பாட்டம் நடத்தினர்.

தூத்துக்குடி மாவட்ட தமிழ்நாடு சத்துணவு மற்றும் அங்கன்வாடி ஓய்வூதியர் சங்கத்தினர் தாலுகா அலுவலகம் முன்பு நேற்று ஆர்ப்பாட்டம் நடத்தினர். ஆர்ப்பாட்டத்துக்கு மாவட்ட தலைவர் உத்தண்ட ராமன் தலைமை தாங்கினார்.

அரசு ஊழியர் சங்க மாநில செயலாளர் வெங்கடேசன், அல்போன்ஸ் லிகோரி, பீட்டர் பர்னபாஸ், பரமசிவன், சத்துணவு மற்றும் அங்கன்வாடி ஊழியர் சங்க மாவட்ட தலைவர் பாக்கியசீலி ஆகியோர் பேசினர். சிறப்பு அழைப்பாளராக மாநில துணைத்தலைவர் ஜெகவீர பாண்டிய கட்டபொம்மன் கலந்து கொண்டு பேசினார்.

ஆர்ப்பாட்டத்தில், சத்துணவு அங்கன்வாடி ஓய்வூதியர்களுக்கு தமிழ்நாடு அரசின் ஓய்வு ஊதிய விதிகளின்படி குறைந்தபட்ச ஓய்வூதியம் ரூ.7 ஆயிரத்து 850 வழங்க வேண்டும், முதல்-அமைச்சரின் தேர்தல் கால வாக்குறுதிகளை நிறைவேற்ற வேண்டும், சமூக நல ஆணையரின் உத்தரவுகளை நடைமுறைப்படுத்தி ஓய்வூதிய பலன்கள் நிலுவையை காலதாமதமின்றி வழங்க வேண்டும் என்று வலியுறுத்தி கோஷம் எழுப்பினர். ஆர்ப்பாட்டத்தில் சங்கத்தினர் திரளாக கலந்து கொண்டனர்.