மாவட்ட செய்திகள்

குப்பை கிடங்கு அமைப்பதற்கு எதிர்ப்பு; பொதுமக்கள் தர்ணா + "||" + Opposition to setting up a garbage dump Public Darna

குப்பை கிடங்கு அமைப்பதற்கு எதிர்ப்பு; பொதுமக்கள் தர்ணா

குப்பை கிடங்கு அமைப்பதற்கு எதிர்ப்பு; பொதுமக்கள் தர்ணா
கடலூர் அருகே குப்பை கிடங்கு அமைப்பதற்கு எதிர்ப்பு தெரிவித்து பொதுமக்கள் தர்ணா போராட்டத்தில் ஈடுபட்டனர். அப்போது அதிகாரிகளிடம் அவர்கள் வாக்குவாதத்தில் ஈடுபட்டதால் பரபரப்பு ஏற்பட்டது.
நெல்லிக்குப்பம், 

கடலூர் நகராட்சி மாநகராட்சியாக தரம் உயர்த்தப்படும் என்று தமிழக அரசு உத்தரவிட்டுள்ளது. இந்த நிலையில் கடலூர் அடுத்த வெள்ளப்பாக்கம் பகுதியில் விவசாய நெல் பண்ணை நிலத்தில் குப்பை கிடங்கு அமைப்பதற்கு அதிகாரிகள்  நடவடிக்கைகளை மேற்கொண்டு வந்தனர்‌.
 இது பற்றி அறிந்த அப்பகுதி பொதுமக்கள், குப்பை கிடங்கு அமைப்பதற்கு கடும் எதிர்ப்பு தெரிவித்தனர். தொடர்ந்து அவர்கள்,  இங்கு குப்பை கிடங்கு அமைக்கப்பட்டால் மண்ணின் தன்மை மாறும். இதனால் விவசாயம் கடுமையாக பாதிக்கப்படும். எனவே இங்கு குப்பை கிடங்கு அமைக்கக்கூடாது என்று கூறி 500-க்கும் மேற்பட்ட பொதுமக்கள் அங்கு தர்ணா போராட்டத்தில்  ஈடுபட்டனர்.
 இது பற்றி தகவல் அறிந்த கூடுதல் போலீஸ் சூப்பிரண்டு அசோக்குமார், தாசில்தார் பலராமன், பண்ருட்டி துணை போலீஸ் சூப்பிரண்டு (பொறுப்பு) ரவிக்குமார், இன்ஸ்பெக்டர் அசோகன் மற்றும் போலீசார் சம்பவ இடத்திற்கு சென்று போராட்டத்தில் ஈடுபட்ட பொதுமக்களிடம் பேச்சுவார்த்தை நடத்தினர்.

இலவச வீட்டுமனைபட்டா

 அப்போது பொதுமக்கள், கண்டிப்பாக குப்பைக்கிடங்கு அமைப்பதற்கு நாங்கள் அனுமதிக்க மாட்டோம் என்று கூறி அதிகாரிகளிடம் வாக்குவாதத்தில் ஈடுபட்டனர். இதனை தொடர்ந்து வருவாய் கோட்டாட்சியர் அதியமான் கவியரசு சம்பவ இடத்திற்கு வந்து போராட்டத்தில் ஈடுபட்ட பொதுமக்களிடம் பேச்சுவார்த்தை நடத்தினார். அப்போது குப்பை கிடங்கு அமைக்காமல் இருப்பதற்கும், உங்களது கோரிக்கையின் படி இலவச மனைப்பட்டா வழங்குவதற்கும் உயர் அதிகாரிகளிடம் பேசி  நடவடிக்கை மேற்கொள்ளப்படும். மேலும் இதுதொடர்பாக வருகிற 18-ந்தேதி சமாதான கூட்டம் நடத்தி நடவடிக்கை மேற்கொள்ளப்படும் என்றார். அதனை ஏற்று பொதுமக்கள் போராட்டத்தை கைவிட்டு அங்கிருந்து கலைந்து  சென்றனர். 
Related Tags :

தொடர்புடைய செய்திகள்

1. தேசியக்கொடியை ஏற்றுவதில் அலட்சியம்
தேசியக்கொடியை ஏற்றுவதில் அலட்சியம் செய்யப்பட்டதால் ஊராட்சி அலுவலக வளாகத்தில் கிராம மக்கள் தர்ணாவில் ஈடுபட்டனர்.
2. கணினி கோளாறால் இலுப்பூரில் நிர்வாக பதவிக்கான தேர்வு ரத்து தேர்வர்கள் தர்ணாவில் ஈடுபட்டதால் பரபரப்பு
இலுப்பூரில் கணினி கோளாறால் நிர்வாக பதிவிக்கான தேர்வு ரத்து செய்யப்பட்டது. தேர்வர்கள் தர்ணாவில் ஈடுபட்டதால் பரபரப்பு ஏற்பட்டது.
3. தரையில் உட்கார்ந்து ஊராட்சி மன்ற தலைவர்கள் தர்ணா
காளையார்கோவில் ஒன்றிய அலுவலகத்தில் தரையில் உட்கார்ந்து ஊராட்சி மன்ற தலைவர்கள் தர்ணா போராட்டம் நடத்தினார்கள்.
4. திருமங்கலம் கோட்டாட்சியரின் ஜீப் முன்பு மூதாட்டி தர்ணா
திருமங்கலம் கோட்டாட்சியரின் ஜீப் முன்பு மூதாட்டி தர்ணா போராட்டம் நடத்தினார். சொத்துகளை அபகரித்து விட்டு மகன்கள் கைவிட்டதாக அவர் புகார் தெரிவித்தார்.
5. இந்திய ஜனநாயக வாலிபர் சங்கத்தினர் தர்ணா
பயணிகள் நிழற்குடை அமைக்கக்கோரி இந்திய ஜனநாயக வாலிபர் சங்கத்தினர் தர்ணா போராட்டத்தில் ஈடுபட்டனர்.