மணல் கடத்திய சரக்கு ஆட்டோ பறிமுதல்

அரியலூர் மாவட்டம், திருமானூர் ஒன்றியத்துக்கு உட்பட்ட ஏலாக்குறிச்சி பகுதியில் திருமானூர் போலீஸ் இன்ஸ்பெக்டர் கோபிநாத், சப்-இன்ஸ்பெக்டர் செந்தில்நாதன் மற்றும் போலீசார் வாகன சோதனையில் ஈடுபட்டனா். அப்போது அந்த வழியாக வந்த சரக்கு ஆட்டோவை நிறுத்த சைகை காட்டினர். அப்போது அதன் டிரைவர் கீழே குதித்து தப்பி ஓடிவிட்டார். பின்னர் அந்த அந்த சரக்கு ஆட்டோவை சோதனையிட்ட போது அதில் சிமெண்டு மூட்டைகள் போல் அடுக்கி மணல் கடத்தி வரப்பட்டது தெரிய வந்தது. அதன்பேரில், அந்த சரக்கு ஆட்டோவை பறிமுதல் செய்த போலீசார் தப்பி ஓடிய சுள்ளங்குடி கிராமத்தை சேர்ந்த வெற்றிச்செல்வன் (வயது 40) என்பவரை வலைவீசி தேடி வருகின்றனர்.