தாலிக்கட்டும் நேரத்தில் திருமணத்தை நிறுத்திய பெண்

ராமநாதபுரம் மாவட்டம், பரமக்குடி பகுதியை சேர்ந்த 28 வயதான வாலிபர் ஒருவருக்கும், அதே பகுதியை சேர்ந்த 23 வயது பெண்ணுக்கும் நேற்று திருமணம் நடைபெற இருந்தது. இதையொட்டி பரமக்குடியில் ஒரு மண்டபத்தில் நேற்று மணமகனும், மணப்பெண்ணும் திருமணத்துக்கு தயாராகி கொண்டிருந்தனர்.
இந்த நிலையில் தாலிக்கட்டும் நேரத்தில் திடீரென்று மணப்பெண், ஹலோ போலீசுக்கு தொடர்பு கொண்டு, தான் வேறு ஒருவரை காதலிப்பதாகவும், தனக்கு மற்றொருவருடன் திருமணம் நடத்த உள்ளனர். எனவே மாப்பிள்ளை பிடிக்காததால் தனக்கு திருமணம் செய்வதில் உடன்பாடு இல்லை. திருமணத்தை தடுத்து நிறுத்துமாறு கோரிக்கை விடுத்து உள்ளார்.
உடனே திருமண நிச்சயித்த நேரத்தில் மணமகனுக்கு திருமணம் நடத்தி விட மணமகன் குடும்பத்தினர் முடிவு செய்தனர்.
திருமண நிகழ்ச்சிக்கு வந்திருந்த உறவுக்கார சிறுமி 17 வயதான ஒருவரை மணப்பெண்ணாக தயார் செய்து திருமணத்துக்கு ஆயத்தப்படுத்தினர்.
அடுத்தடுத்த திருப்பங்களால் திருமணம் நின்றது பெரும் பரபரப்பை ஏற்படுத்தியது. இதனை தொடர்ந்து திருமணத்தை நிறுத்திய 23 வயதான மணப்பெண்ணை போலீசார் அழைத்து சென்று ஒருங்கிணைந்த சேவை மையம் மூலம் கவுன்சிலிங் கொடுக்க நடவடிக்கை எடுத்தனர்.
சிறுமியை பாதுகாப்பாக அழைத்து சென்று ராமநாதபுரம் குழந்தைகள் நலக்குழுவிடம் ஒப்படைத்தனர். சிறுமிக்கு திருமணம் செய்து வைக்க கூடாது என்று பெற்றோரை அழைத்து விளக்கி கூறி எழுதி வாங்க நடவடிக்கை எடுத்துள்ளனர்.