தூத்துக்குடியில் மோட்டார் சைக்கிள் திருடிய வாலிபர் கைது

தூத்துக்குடி திரவியபுரத்தைச் சேர்ந்த மரிய சங்கர் மகன் அமுல்ராஜ் (வயது 32). இவர் கடந்த 11.9.2021 அன்று தனது மோட்டார் சைக்கிளை வீட்டின் முன்பு நிறுத்தி உள்ளார். மறுநாள் காலையில் பார்க்கும்போது அந்த மோட்டார் சைக்கிளை யாரோ மர்ம நபர் திருடி சென்று விட்டார்.

இது குறித்த புகாரின் பேரில் வடபாகம் போலீசார் வழக்கு பதிவு செய்து விசாரணை நடத்தினர். விசாரணையில், தாளமுத்துநகர் ராஜீவ் காந்தி நகரைச் சேர்ந்த செல்வகுமார் மகன் மாரியப்பன் (20) என்பவர் அமுல்ராஜின் மோட்டார் சைக்கிளை திருடி சென்றது கண்டுபிடிக்கப்பட்டது. இதைத் தொடர்ந்து வடபாகம் போலீசார், மாரியப்பனை கைது செய்தனர். அவரிடம் இருந்து மோட்டார் சைக்கிளை போலீசார் பறிமுதல் செய்தனர்.