விபத்தில் விவசாயி பலி

சிவகாசி, 

சிவகாசி அருகே உள்ள நாரணாபுரம்புதூர் பகுதியை சேர்ந்தவர் சோலைகூடலிங்கம் (வயது 60). விவசாயியான இவர் நாரணாபுரம்புதூர்-செல்லையாநாயக்கன்பட்டி ரோட்டில் தனது மகள் வீட்டிற்கு செல்வதற்காக நடந்து சென்று கொண்டிருந்தார். அப்போது அந்த வழியாக வந்த இருசக்கர வாகனம் சோலைகூடலிங்கம் மீது மோதியது. இதில் பலத்த காயம் அடைந்த அவரை அருகில் இருந்தவர்கள் மீட்டு சிவகாசி அரசு ஆஸ்பத்திரிக்கு கொண்டு சென்றனர். பின்னர் அங்கு அவருக்கு முதலுதவி அளிக்கப்பட்டு பின்னர் மேல் சிகிச்சைக்காக விருதுநகர் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்,  சோலைகூடலிங்கம் ஏற்கனவே இறந்துவிட்டதாக தெரிவித்தனர். இந்த விபத்து குறித்து சோலைகூடலிங்கம் மகன் முத்துகூடலிங்கம் சிவகாசி கிழக்கு போலீசில் புகார் கொடுத்தார். அந்த புகாரின் பேரில் போலீசார், அருண் குமார் என்பவர் மீது வழக்குபதிவு செய்து விசாரணை நடத்தி வருகிறார்கள்.