பாளையங்கோட்டையில் காங்கிரஸ் கட்சியினர் ஆர்ப்பாட்டம்

நெல்லை:

பாளையங்கோட்டையில் உள்ள அகில இந்திய வானொலி நிலையம் முன்பு காங்கிரஸ் கட்சியினர் நேற்று மாலையில் ஆர்ப்பாட்டம் நடத்தினார்கள். மாவட்ட துணைத்தலைவர் கவிபாண்டியன் தலைமை தாங்கினார். முன்னாள் மத்திய மந்திரி தனுஷ்கோடி ஆதித்தன், மாவட்ட தலைவர் சங்கரபாண்டியன் ஆகியோர் கலந்து கொண்டு ஆர்ப்பாட்டத்தை தொடங்கி வைத்து பேசினார்கள்.

அகில இந்திய வானொலி நிலையத்தை தனியாருக்கு விற்பனை செய்வதை தடை செய்ய வேண்டும். வானொலியில் அஞ்சல் நிகழ்ச்சியை ரத்து செய்துவிட்டு, வட்டார நிகழ்ச்சியை தொடர்ந்து நடத்த வேண்டும் என்பன உள்ளிட்ட கோரிக்கைகளை வலியுறுத்தி இந்த ஆர்ப்பாட்டம் நடந்தது. இதில் மாவட்ட துணை தலைவர் வண்ணை சுப்பிரமணியன், மாவட்ட செயலாளர் ரெயில்வே கிருஷ்ணன் உள்பட பலர் கலந்து கொண்டனர்.