இண்டூரில் ஸ்கூட்டர் மீது லாரி மோதி அரசு பள்ளி ஆசிரியர் சாவு

பாப்பாரப்பட்டி:

தர்மபுரி மாவட்டம் இண்டூர் அருகே உள்ள ஏ.செக்காரப்பட்டி சூராங்கொட்டாய் பகுதியை சேர்ந்தவர் முத்துராஜ் (வயது41). இவர் பென்னாகரம் அருகே உள்ள மாங்கரை கிராமத்தில் உள்ள அரசு மேல்நிலைப்பள்ளியில் ஆசிரியராக பணியாற்றி வந்தார். இவர் நேற்று காலை வீட்டில் இருந்து தனது ஸ்கூட்டரில் பள்ளிக்கு சென்றார். இண்டூர் பஸ் நிலையம் அருகே சென்ற போது பின்னால் வந்த டிப்பர் லாரி  ஸ்கூட்டர் மீது மோதியது.

இந்த விபத்தில் கீழே விழுந்த ஆசிரியர் மீது டிப்பர் லாரி ஏறியது. இதில் லாரியின் பின்பக்கத்தில் சிக்கிய முத்துராஜ் உடல் நசுங்கி படுகாயமடைந்தார். அக்கம் பக்கத்தினர் அவரை மீட்டு ஆம்புன்சில் ஆஸ்பத்திரிக்கு கொண்டு சென்றனர். ஆனால் வழியில் முத்துராஜ் பரிதாபமாக இறந்தார். இந்த விபத்து குறித்து இண்டூர் போலீசாருக்கு தகவல் தெரிவிக்கப்பட்டது. அதன்பேரில் போலீசார் விரைந்து சென்று ஆசிரியரின் உடலை கைப்பற்றி பிரேத பரிசோதனைக்காக தர்மபுரி அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து இண்டூர் போலீசார் வழக்குப்பதிவு செய்து விசாரணை நடத்தி வருகின்றனர்.