<
பரமத்திவேலூர் அருகே காணாமல் போன மீனவர் காவிரி ஆற்றில் பிணமாக மீட்பு
பரமத்திவேலூர் அருகே காணாமல் போன மீனவர் காவிரி ஆற்றில் பிணமாக மீட்பு
பரமத்திவேலூர்:
பரமத்திவேலூர் அருகே சோழசிராமணியை சேர்ந்தவர் நடேசன். இவருடைய மகன் கண்ணன் (வயது 34). மீனவர். இவருக்கு இன்னும் திருமணமாகவில்லை. இந்தநிலையில் கண்ணன் வீட்டில் கோபித்து கொண்டு கடந்த 19&ந் தேதி இரவு வெளியில் சென்றவர் பின்னர் வீடு திரும்பவில்லை. பெற்றோர் பல்வேறு இடங்களில் தேடியும் அவர் கிடைக்கவில்லை.
இதையடுத்து தங்கள் மகன் காணாமல் போனது குறித்து அவரது தந்தை நடேசன் ஜேடர்பாளையம் போலீசில் புகார் செய்தார். அதன்பேரில் போலீசார் காணாமல் போன கண்ணனை தேடி வந்தனர்.
இந்தநிலையில் நேற்று முன்தினம் மாலை மோகனூர் காவிரி ஆற்றில் குளித்துக் கொண்டிருந்தவர்கள் அப்பகுதியில் ஆண் உடல் ஒன்று மிதப்பதாக மோகனூர் போலீசாருக்கு தகவல் தெரிவித்தனர். தகவலின்பேரில் மோகனூர் போலீசார் காவிரி ஆற்றுக்கு சென்று உடலை மீட்டு பிரேத பரிசோதனைக்காக நாமக்கல் அரசு மருத்துவமனைக்கு அனுப்பி வைத்தனர்.
போலீசாரின் விசாரணையில் பிணமாக மிதந்தவர் சோழசிராமணியில் காணாமல் போன மீனவரான கண்ணன் என்பது தெரியவந்தது. இந்த சம்பவம் குறித்து ஜேடர்பாளையம் போலீசார் வழக்குப்பதிவு செய்து விசாரணை நடத்தி வருகின்றனர்.
========
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
